Ibiterane by’ububyutse mu banyeshuri bo mu itorero Anglikane biratanga umusaruro ushimishije.

Mu mpera z’icyumweru gitaha nibwo igiterane ngarukamwaka gihuza urubyiruko rw’abanyeshuri biga mu mashuri yisumbuye bo mu itorero Anglikani mu Rwanda (EAR: Eglise Anglicane au Rwanda”) cyabereye ku rusengero rw’iri torero I Remera ahakunze kwitwa ku Giporoso.  Iki giterane cy’iminsi itatu cyatangiye kuwa gatanu tariki ya 4 kugeza ku cyumweru tariki ya6 Mata, cyagaragayemo abavugabutumwa bakomeye barimo Ev. Emmanuel Kwizera, Bishop Louis Muvunyi, Rev. Dr. Japhet Ndoriyobijya n’abandi.  Cyanabonetsemo kandi n’abahanzi b’ibihangange muri muzika iramya Imana bayoboye ibihe byiza byo kuramya twavuga nka Eddie Mico, Serge, Bobo Bon Fils, The Shakers, Prince of Peace Choir, Mugiraneza Jean d’Amour, Call on Jesus y’abanyeshuri bo muri KIST.  

Ubwitabire bwari bushimishije kuko cyitabiriwe n’abanyeshuri bo mu mashuri yisumbuye bagera kuri 220 bavuye mu mpande zose zigize diyoseze ya Kigali aho abenshi bari bahagarariye amatsinda y’Abanyeshuri b’Abanglikane mu mashuri yisumbuye atandukanye; umubare munini wabo wari ucumbikiwe mu kigo Martyrs Secondary School.

Iki giterane cyari gifite umutwe uvuga ngo “Uri uwa nde?: iyi ntego yari ijyanye n’icyanditswe kiboneka muri 2 Timoteyo 2: 19 “Nyamara urufatiro rukomeye rw’Imana ruracyahagaze, rwanditseho ikimenyetso ngo” Uwiteka azi abe “kandi ngo umuntu wese uvuga izina ry’uwiteka ave mu bidatunganye.”   Mu bikorwa byaranze iki giterane habonetsemo ubuhamya, inyigisho zigamije gufasha urubyiruko rwo mu myaka y’ubugimbi zatanzwe n’abakristo bibumbiye mu miryango y’ababyeyi b’Abanglikane ariyo Mothers Union na Fathers Union. 

Igitangaje kandi kinejejeni uburyo habonetse amatsinda y’abana bato bamaze kugera ku rugero rushimishije mu kuramya no guhimbaza Imana twavuga nka worship team yo muri Groupe Scolaire de Remera iyobowe n’umusore witwa Isidore, Annointed Ministry ikorera I Remera, Gospel proclaimers drama team yo muri Katedrale Saint Etieene ndetse na groupe y’abana b’Abanglikane biga mu ishuri rya Kagarama Secondary school. 

Asoza iki giterane, umuyobozi w’ishami ry’urubyiruko muri EAR Diyoseze ya Kigali Manasseh Tuyizere yavuze ko ashimira Imana umusaruro wabonetse muri iki giterane urimo abantu 25 bakiriye agakiza. Yashimiye komite y’abanyeshuri yafatanyije n’iri shami gutegura iki giterane n’abakigizemo uruhare bose. Yasoje agira ati: “Diyoseze ya Kigali yiyemeje kwita ku rubyiruko nk’uru tukarufasha kumenya Imana by’ukuri n’icyo ibashakaho mu busore bwabo, benshi muri bo bafite impano nziza kandi barimo abakozi Imana izakoresha mu minsi iri imbere kuko abenshi hano bayobora amatsinda manini y’amasengesho mu bigo bigamo; yabizeje inkunga y’ishami ahagarariye ngo iki giterane kizakomeze kubaho buri mwaka. ”

Twababwira ko no mu kwezi gushize hari habayeho igiterane cy’iminsi ibiri cyahujije abanyeshuri b’Abanglikane 310 biga muri kaminuza n’amashuri makuru cyabereye mu ishuri IPRC Kigali (ahahoze ETO Kicukiro). 

Mukeneye kumenya ibikorwa byisumbuye ku bijyanye n’ibikorwa by’urubyiruko muri EAR Diyoseze ya Kigali mushobora kubirebera ku murongo wa interineti witwa www.nezerwa.org cyangwa mukabakurikira kuri page yabo ya facebook yitwa www.facebook/earkigali youth. 

 

 

 

 

New

Update news

Icyizere cy’itorero kiri mu rubyiruko rwatojwe kubaha Imana no gukora cyane

Kuwa Gatandatu wo kuya  19/10/2013 ni bwo aya mahugurwa yarimo Abayobozi b’urubyiruko baturutse mu maparuwase yose uko ari 41 agize diyoseze ya Kigali. Aya mahugurwa yabashishikarizaga kwiteza imbere bakarushaho gukorera Uwiteka, cyane cyane ko n’ubuyobozi bw’amaparuwase bubashyigikiye haba mu bitekerezo ndetse n’izindi nkunga harimo n’amafaranga. Byagaragaye ko urubyiruko rwo muri EAR/ Diyoseze ya Kigali rumaze gukanguka kandi hari byinshi rumaze kugeraho:
Dore rero ingezo z’aho urubyiruko rwacu rumaze kugera:
•    Muri paruwase  ya Rubona: Bafite amatsinda yo kwiteza imbere; batangana ubwiteganyirize bw’ amafaranga 100 ku cyumweru; ubu bafite ibihumbi 300,000 kuri compte. Bafashije umwana wari ufite ibibazo byo kwiga, bubakira  n’umukecuru utifashije.
•    Muri paruwase ya Gikomero: Bafite urubyiruko rugera kuri 302, Bashyizeho umusanzu wa 2500 ku mwaka, ku buryo bahise bafunguza  compte bahita bashyiraho amafaranga 9,000. Barwanyije ibiyobyabwenge. Babyukije Boys and girls Brigade; bafite umubare wa 37.
•    Muri paruwase  ya Bihembe:Ibikorwa byabo biri mu iterambere mu buryo bw’umwuka ku buryo bafite amatsinda ane yo kwiga Bibiliya n’ ikipe y’ivugabutumwa ifasha amakanisa.  Batangiye ari abanyamuryango 12 none ubu bageze mu 107 kandi biteguye gufungura ikigega cya paruwase aho bateganya gukusanya amafaranga 252,000 azajya afasha abanyeshuri n’abashyingiwe.
•    Muri paruwase  ya Mbyo :Bafite amashyirahamwe atandukanye yo guhana amafaranga, kwigisha ibyo kwirinda ibiyobyabwenge na SIDA bakoresheje amakinamico (theatres) no kurwanya kwishyingira, batera inkunga bagenzi babo bateganya gushyingirwa kandi urubyiruko rwabo rugera ku 150.
•    Muri paruwase  ya Rutongo: Barateganya gutangira igikorwa cyo kwigisha abatazi gusoma no kwandika, kandi hanyuma y’ibyo bashyizeho koperative y’ubworozi bw’inzuki igizwe n’urubyiruko rutagize amahirwe yo kujya kwiga.  Bageze ku rwego rw’amafaranga ageze kuri 1,000,000, abanyeshuri nabo bafite korali, kandi yabaye iya mbere muri paruwase.
•    Muri paruwase  ya Ndera:Bakora ivugabutumwa mu bigo baturanye ngo hatagira abanyeshuri babacika; batangije amatsinda y’Abanglikane mu ishuri rya APRED ndetse na GASOGI, Buri kwezi bazajya batanga amafaranga 500 y’ubwisungane.
•    Muri paruwase  ya Kamweru: Hariho amatsinda 4 yo kugurizanya n’iterambere ari nayo mpamvu bakora amahugurwa atandukanye; bakigisha urubyiruko. Baherutse gukurikirana inyigisho zitangwa n’abakorerabushake b’umuryango wa Jeunesse pour Christ; ubu bafite urubyiruko rugera kuri 130 rwafashe indahiro zo kwezwa.
Hashyizweho ihuriro cyangwa umuryango w’urubyiruko witwa “Association des Jeunes de la paroisse de Kamweru banatangiza ishuri ryo kwigisha abatazi gusoma no kwandika kuburyo batanze impamyabumenyi (certificats) 30.

Izi ni ingero z’ibyo urubyiruko rurimo gukora muri EAR Diyoseze ya Kigali; birenze cyane ibyo abantu bari bamenyereye bijyanye n’ivugabutumwa. Mu yandi maparuwase habonetsemo ibikorwa bijyanye no kwigisha urubyiruko ibijyanye n’amatsinda yo kwizigama, gushyiraho kw’imisanzu y’ubwisungane, gufunguza amakonte, imishinga  itandukanye nkiy’ubuhinzi bw’indabyo; gufasha abababaye, abafite ubumuga bwo kutabona n’imfubyi babishyurira ubwisungane bwo kwivuza (mutuelle), abatishoboye babubakira ubwiherero n’ibindi. Kandi urubyiruko ntirwasigaye inyuma mu gutanga umusanzu ku nyubako z’insengero ndetse no mw’ivugabutumwa rinyuze mu mikino, n’ibindi.

Turashimira itorero n’abayobozi baryo badahwema guha urubyiruko umwanya wo kwisanzura no kuruba hafi. Turashimira ubuyobozi bw’urubyiruko mu maparuwase narwo rudahwema gukora iyo bwabaga ngo habeho iterambere ryo mu mwuka n’umubiri kandi rigaragarire bose. Nta kabuza, icyizere cy’itorero kiri mu rubyiruko nk’uru rwatojwe kubaha Imana no gukora cyane.

Paruwase itazagira amashyiga atatu akomeye ntaho izagera.

Amahugurwa ajyanye n'urubyiruko n'abana ni kimwe mu byo EAR Diyosezi ya Kigali ishyize imbere dore ko asigaye aba kenshi mu mwaka, Ni muri urwo rwego habaye amahugurwa y’umunsi umwe yahuje abapasitori bo muri diyosezi ya Kigali, akaba yarabaye tariki 15/10/2013, Umwepisikopi wa diyosezi ya Kigali Louis Muvunyi akaba yarashishikarije abapasitori kugira amashyiga atatu akomeye yagize ati “paruwase itazagira amashyiga atatu akomeye ntaho izagera ..

Read more: Paruwase itazagira amashyiga atatu akomeye ntaho izagera.

IJAMBO RY' IBANZE

Iri ni ijambo ry'ibanze Umwepiskopi wa EAR/ Diyoseze Kigali agenera urubyiruko ndetse n'abandi bose bakorana narwo.

“Ariko ntihakagire abakene baba muri mwe, kuko Uwiteka atazabura kuguhera umugisha mu gihugu Uwiteka Imana yawe iguha ho gakondo ngo ugihindure.”GUTEGEKA KWA KABIRI 15: 4.

Birakomeza: IJAMBO RY' IBANZE

About Us

Nezerwa website is run by the Youth Department of the Anglican Diocese of Kigali in collaboration with a team of young people, who volunteer their time and skills to make sure that this website is up, running and up to date. We call them the media team.

Find us

  • Facebook 
  • Email: This email address is being protected from spambots. You need JavaScript enabled to view it.

Photos

showshowshowshowshowshowshowshowshowshowshowshow